Ўзбек футболчисининг ёши 4-5 йилга кичрайтирилганини айтган рус мураббийи жаримага тортилди
Сергей Юран “Спартак” аъзоси Остон Ўруновнинг ёши аслида катта эканлигини айтганди. ЎФА бу бўйича баёнот берганди.
“СКA-Хабаровск” футбол клуби бош мураббийи Сергей Юран “Матч Премьер” телеканалига берган интервьюсида “Спартак”нинг ўзбекистонлик аъзоси Остон Ўруновнинг ёши 4-5 йилга катта эканлиги ҳақида айтганди.
Бунинг ортидан Ўзбекистон футбол ассоциацияси Россия футбол иттифоқи (РФС) Этика қўмитасини ушбу ҳолатни синчковлик билан ўрганишга ҳамда Ўзбекистон терма жамоаси аъзоси Остон Ўруновга, ўз навбатида Ўзбекистон футбол ассоциацияси обрўсига путур етказадиган айблов билан чиқиш қилган Сергей Юранга чора кўришга чақирганди.
Россиянинг спорт нашрлари ёзишича, Россия футбол иттифоқи Этика қўмитаси Сергея Юранни Остон Урунов ҳақида айтган гаплари учун 250 минг рубль (тақрибан 35,6 млн сўм) жаримага тортган.
Чироқчида 6 ёшли болани машинасида уриб юборган ИИО ходимига нисбатан хизмат текшируви тайинланди
Ўзбекистондаги илк хусусий авиакомпания 2 та Airbus A320−200 самолётини ижарага олди
Самарқандда интим фото ва видеолар учун $20 минг талаб қилган аёл ушланди
