“Ўзбекистон металлургия комбинати”га янги раис тайинланди
Бош вазир Aбдулла Арипов иштирок этган йиғилишда “Ўзметкомбинат” АЖ раҳбариятининг фаолияти танқидий кўриб чиқилди.
Жорий йилнинг 20 январь куни “Ўзбекистон металлургия комбинати” акциядорлик жамияти Кузатув кенгаши ҳамда комбинат раҳбариятининг кенгайтирилган таркибдаги йиғилиши бўлиб ўтди.
Тадбирда Бош вазир Aбдулла Арипов иштирок этган. Йиғилишда “Ўзметкомбинат” АЖ раҳбариятининг фаолияти танқидий кўриб чиқилди.
Шунингдек, мажлисда ташкилий масала ҳам кўрилди. "Ўзметкомбинат" AЖ Кузатув кенгаши кўп йиллар давомида жамиятда фаолият юритиб келган Рашид Пирматовни акциядорлик жамиятининг бошқарув раиси лавозимига тасдиқлади.
Рашид Пирматов Тошкент вилояти Бекобод туманида туғилган. У 1986 йилда Москва пўлат ва қотишмалар институтини металлургия муҳандиси мутахассислиги бўйича тамомлаган. Бекободга қайтиб келгач “Ўзметкомбинат” АЖда уста, муҳандис, электр пўлат ишлаб чиқариш цехи бошлиғининг ўринбосари, технологик маркази бошлиғининг ўринбосари лавозимларида фаолият олиб борган.
Шу билан бирга "Ўзметкомбинат" AЖ кузатув кенгаши Дилшод Aхмедовни комбинат бошқарув раисининг биринчи ўринбосари этиб тайинлаш тўғрисида ҳам қарор қабул қилди.
Тошкентда жанжалдан кейин шифохонага ётқизилган талаба комадан чиқди
2020 йилда давлат ташқи қарзининг $5,5 миллиарди нефт-газ ҳамда электр-энергетика соҳасига йўналтирилган
Aбдулазиз Комилов қирғизистонлик ҳамкасби билан учрашди