1 USD = 10535.24 1 EUR = 12686.54 1 RUB = 138.23
БРВ = 245 000 сум МРОТ = 747 300 сум
1 USD = 10535.24 1 EUR = 12686.54 1 RUB = 138.23
БРВ = 245 000 сум МРОТ = 747 300 сум
Жамият
18 января, 17:34 853 0

Самарқандда икки ҳолатда шармандали суратларни тарқатмаслик учун пул талаб қилинди

Қайнсингил иштирокидаги фото учун $800, иккинчисида эса $2000 талаб қилинган.

Самарқандда икки ҳолатда шармандали суратларни тарқатмаслик учун пул талаб қилинди
Фото: Иллюстрация

Самарқанд вилояти ИИБ Ахборот хизматининг маълум қилишича, вилоят ҳудудида икки ҳолатда шармандали суратларни интернетда тарқатиб юбориш билан қўрқитиб, фуқаролардан пул талаб қилинган.

Дастлабки ҳолатга кўра, 2021 йил 16 январь куни Ургут туманида яшовчи, Х. ариза билан мурожаат қилиб, Сурхондарё вилоятида яшовчи Х.У. телефон қилиб, қайнсинглисини ўзи билан тушган уятли фотолари борлиги, ушбу фотоларни ижтимоий тармоқларга тарқатмаслик эвазига 800 АҚШ доллари талаб қилаётганлигини баён қилиб, унга нисбатан қонуний чора кўришни сўраган. 

2021 йил 17 январь куни, Ургут тумани бўйича ИИО ФМБ ЖҚБ ходимлари томонидан Самарқанд шаҳридаги “Самарқанд-Тошкент” автобекати олдида ўтказилган тезкор тадбир давомида, Х.У. ариза муаллифидан қонунга хилоф равишда 500 АҚШ доллари ва 1,6 миллион сўм пулларни олиб, уятсиз фотолар мавжуд бўлган телефон аппаратини Х. га берган вақтида жиноят устида қўлга олиниб, ҳужжатлаштириб олинган.

Шунингдек, Жомбой туманида яшовчи, Э.га ҳам Самарқанд шаҳар Суғдиёна масканида яшовчи таниши унга телефон қилиб, унинг яланғоч тушган расмлари телефон аппаратида борлигини, 2000 АҚШ доллар бермаса, ушбу расмларни интернет тармоғига жойлаштиришни айтиб, ундан пул сўраган.

2021 йил 16 январь куни Самарқанд шаҳри бўйича ИИО ФМБ ЖҚБ ходимлари томонидан ўтказилган тезкор тадбирда, фуқаро М.Ф. ариза муаллифидан тадбирда ишлатилган 1000 АҚШ долларини олаётган вақтида ушланиб, ҳужатлаштириб олинган.

Мазкур ҳолатлар юзасидан Жиноят кодексининг 165-моддаси (Товламачилик) 1-қисми билан жиноят иши қўзғатилиб, тергов ҳаракатлари олиб борилмоқда.

Аввалроқ, шунга ўхшаш ҳолат Тошкентда ҳам содир бўлганди. Фуқаро Б.С. (эркак) фуқаро А.Г. нинг (аёл) ярим яланғоч ҳолда рақсга тушгани олинган видеолавҳани Интернет орқали тарқатиб, унинг оила аъзоларига кўрсатиб шарманда қилмаслик учун 50 минг АҚШ доллари беришни талаб қилганди.

Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей