1 USD = 10538.53 1 EUR = 12879.14 1 RUB = 143.31
БРВ = 245 000 сум МРОТ = 747 300 сум
1 USD = 10538.53 1 EUR = 12879.14 1 RUB = 143.31
БРВ = 245 000 сум МРОТ = 747 300 сум
Об-ҳаво
18 января, 14:21 767 0

Ҳафта охирида Ўзбекистонда ҳаво ҳарорати пасаяди

Синоптиклар республикада мазкур ҳафтада кутилаётган об-ҳаво ҳақида маълумот берди.

Ҳафта охирида Ўзбекистонда ҳаво ҳарорати пасаяди
Фото: Марат Наджибаев / UzNews.uz

Ўзгидромет хабарига кўра, 18 январь куни ёғингарчиликсиз об-ҳаво бўлади, фақат республиканинг айрим тоғ олди ва тоғли ҳудудларида ёмғир ёғиши эҳтимоли бор.

Ҳаво ҳарорати кўп йиллик қийматлардан 8-10 даражага юқори ва +13...+18 даража атрофида бўлади.

19 январда республика ҳудудининг катта қисмида ёғингарчиликсиз об-ҳаво сақланиб туради, фақат Қорақалпоғистонда, Хоразм, Тошкент, Самарқанд, Жиззах, Сирдарё вилоятларининг баъзи жойларида бироз ёмғир ёғиши мумкин.

20 январда Қорақалпоғистонда, Хоразм вилоятида қор ёмғирга айланади, Тошкент, Самарқанд, Жиззах, Сирдарё вилоятларида кечаси ва эрталаб баъзи жойларда ёмғир ёғади. Республиканинг қолган ҳудудларида ёғингарчилик бўлмайди.

21 январда республика ҳудудларининг катта қисмида ёғингарчилик бўлмайди. Қорақалпоғистонда, Хоразм вилоятида қор ёғади, Бухоро ва Навоий вилоятларида кечга томон баъзи жойларда ёмғир ёғиши мумкин.

19-21 январда ҳарорат ўзининг кўп йиллик қийматларидан 8-10 даражага юқори бўлади ва кечалари 0...+5 даража, кундузи +11...+16 даражани ташкил этади.

Қайд этилишича, 22 январда об-ҳаво кескин ўзгара бошлайди, бунинг сабаби совуқ антициклондир, у мамлакат ҳудудларига қор ва манфий қийматли ҳароратларни олиб келади.

Республика бўйича қор ёғади, фақат мамлакатнинг шимолий ҳудудларида ёғингарчилик бўлмайди. Ҳаво ҳарорати кечаси ва кундузи -2...+3 даражани ташкил этади.

23 январда антициклон мамлакатнинг барча ҳудудларини қамраб олади, ёғингарчилик бўлиши эҳтимоли кам, жуда совуқ бўлади.

Ҳаво ҳарорати кечаси -5...-10 даражагача пасаяди, кундузи -2...+3 даражани ташкил этади. Ўртача кеча-кундузлик ҳаво ҳарорати меъёрдан 6-8 даражага паст бўлади.

Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей