1 USD = 10507.46 1 EUR = 12586.89 1 RUB = 136.97
БРВ = 245 000 сум МРОТ = 747 300 сум
1 USD = 10507.46 1 EUR = 12586.89 1 RUB = 136.97
БРВ = 245 000 сум МРОТ = 747 300 сум
Жамият
16 января, 10:28 737 0

Сирдарёда аҳоли орасида ваҳима уйғотганлар қўлга олинди — видео

Улар вилоятнинг учта туманида Қайроққум сув омбори очилиб кетганлиги тўғрисида асоссиз хабарлар тарқатган.

Сирдарёда аҳоли орасида ваҳима уйғотганлар қўлга олинди — видео
Фото: Видеодан кадр

14 январь куни кечқурун Қайроққум сув омбори очилиб кетганлиги тўғрисида ёлғон маълумот тарқатиб, аҳоли ўртасида ваҳима кўтарган шахслар қўлга олинди.

Вилоят ИИБ маълум қилишича, Мирзаобод, Сардоба ва Оқолтин туманларида яшовчи фуқаролар ҳеч қандай далилга эга бўлмасдан аҳолига тарқатиган. 

Сардоба туманида яшовчи Э.М. танишларидан эшитган ассосиз маълумотларга ишониб, турмуш ўртоғига уйдан дарҳол чиқиб кетишни тайинлайди. Бу орқали туманнинг “Дўстлик” маҳалласида аҳоли ўртасида ваҳима тарқалишига сабаб бўлади. 

Ушбу хабарни эшитган Оқолтин туманида яшовчи блогер Б.Ж. Тожикистондан тошқин келаётганини айтиб, одамларни уйларини тарк этишга ундовчи видеони тасвирга олиб YouTube’га жойлайди.

Мирзаобод туманида яшовчи Р.Ф. Сардоба ва Оқолтинда аҳоли орасида уйғонган ваҳимани опасидан эшитади ва қўни-қўшниларини уйғотиб, уйларини тезроқ тарк этишга ундайди.

Эслатиб ўтамиз, ушбу ҳодиса ортидан вилоят ҳокими Ғофуржон Мирзаев аҳолини ёлғон миш-мишларга ишонмасликка ва саросимага тушмасликка чақиради.

Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей