1 USD = 10477.86 1 EUR = 12606.96 1 RUB = 141.84
БРВ = 245 000 сум МРОТ = 747 300 сум
1 USD = 10477.86 1 EUR = 12606.96 1 RUB = 141.84
БРВ = 245 000 сум МРОТ = 747 300 сум
Спорт
15 января, 11:18 794 0

Олий таълимда шахмат бўйича алоҳида факультет очилади

Бу президентнинг шахматни янада ривожлантириш ва оммавийлаштиришга оид қарорида алоҳида белгилаб қўйилди.

Олий таълимда шахмат бўйича алоҳида факультет очилади
Фото: Иллюстрация

Ўзбекистон давлат жисмоний тарбия ва спорт университетининг Фарғона филиалида шахмат бўйича таълим йўналиши очилади.

Бу ҳақда “Шахматни янада ривожлантириш ва оммавийлаштириш ҳамда шахматчиларни тайёрлаш тизимини такомиллаштириш чора-тадбирлари тўғрисида”ги Президент қарорида белгилаб қўйилди.

Қарорга мувофиқ, 2021/2022 ўқув йилидан бошлаб бошқа ОТМларда ҳам шахмат йўналишига зарур эҳтиёждан келиб чиқиб, Ўзбекистон шахмат федерациясининг тавсиясига асосан алоҳида қабул квоталари белгиланиши мумкин.

Шунингдек, педагог ходимлар ўртасида шахмат бўйича “Энг яхши инновацион ўқув методик қўлланма” танлови ташкил этилади, қўлланмани оммалаштириш ва жойларга етказиш бўйича зарур чоралар кўрилади.

Маълумот учун, Ўзбекистон Республикаси Президентининг 2020 йил 3 ноябрдаги ПҚ-4877-сон қарорига мувофиқ, Ўзбекистон давлат жисмоний тарбия ва спорт университетининг Фарғона филиали ташкил этилган. Филиал фаолияти 2021/2022 ўқув йилидан бошланади.

Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей