1 USD = 10490.65 1 EUR = 12513.25 1 RUB = 140.52
БРВ = 245 000 сум МРОТ = 747 300 сум
1 USD = 10490.65 1 EUR = 12513.25 1 RUB = 140.52
БРВ = 245 000 сум МРОТ = 747 300 сум
Спорт
14 января, 10:23 738 0

Равшан Эрматов сўнгги ўн йилликнинг энг яхши ҳакамлари рўйхатига киритилди

У футбол бўйича Жаҳон чемпионати ўйинларини энг кўп бошқарган рекордчи ҳакам ҳисобланади.

Равшан Эрматов сўнгги ўн йилликнинг энг яхши ҳакамлари рўйхатига киритилди
Фото: fifa.com

Халқаро футбол тарихи ва статистикаси федерацияси (IFFHS) сўнгги ўн йилликнинг энг яхши реферилар рўйхатини тузди.  

Ушбу рўйхатга ўзбекистонлик футбол рефериси Равшан Эрматов ҳам киритилди. 

2011-2020 йиллар оралиғида IFFHS ҳакамларнинг ҳар бир йилдаги рейтингини олди ва шу орқали уларни баҳолади. Йил ҳаками бўлганларга 20 балл, 2-ўриндагиларга 19 балл, 3-поғонадагиларга эса 17 очко берилди ва 20-ўринга қадар шу тақлид баҳоланди.

Унга кўра, энг яхши ҳакам деб германиялик Феликс Брих (141 балл) топилди. Ундан 1 очкога ортда қолган туркиялик Жунайт Чақир эса 2-бўлди. Кучли учликни нидерландиялик Бьорн Кюйперс якунлаб берди.

Ўзбекистонлик Равшан Эрматов эса 33 балл билан 16-ўриндан жой олди.

Эслатиб ўтамиз, жисмоний тарбия ва спорт вазирининг биринчи ўринбосари лавозимида ишлаб келаётган Равшан Эрматов беш марта Осиёнинг энг яхши ҳаками деб топилган.

У фаолияти давомида учта Жаҳон чемпионатида қатнашиб, бош ҳакам сифатида 11 ўйинни бошқарган ва бу кўрсаткич бўйича рекордчи ҳисобланади.

Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей