1 USD = 10525.50 1 EUR = 12763.22 1 RUB = 141.09
БРВ = 245 000 сум МРОТ = 747 300 сум
1 USD = 10525.50 1 EUR = 12763.22 1 RUB = 141.09
БРВ = 245 000 сум МРОТ = 747 300 сум
Жамият
13 января, 14:22 569 0

Тошкентда Санкт-Петербург давлат университети филиали очилади

Маълум қилинишича, филиал ўз фаолиятини 2021/2022 ўқув йилидан бошлайди.

Тошкентда Санкт-Петербург давлат университети филиали очилади
Фото: Depositphotos / Estea-Estea

Тошкент шаҳрида “Санкт-Петербург давлат университети” Федерал давлат бюджети олий таълим муассасаси филиали фаолияти ташкил этилади. Бу борадаги президентнинг тегишли қарори жорий йил 12 январь куни имзоланди.  

Қарорга мувофиқ, филиал:

– университетнинг алоҳида таркибий бўлинмаси ҳисобланади;

– таълим фаолиятини 2021/2022 ўқув йилидан бошлайди;

– кадрлар тайёрлашни кундузги, кейинчалик сиртқи ва бошқа таълим шаклида олиб боради;

– битирувчиларига Ўзбекистон Республикасида олий маълумот тўғрисидаги ҳужжат сифатида тан олинадиган Университетнинг белгиланган намунасидаги дипломини беради;

– таълим жараёнини рус тилида, кейинчалик бошқа тилларда олиб боради.

Филиалга талабаларни ўқишга қабул қилиш давлат гранти ҳамда тўлов-контракт асосида амалга оширилади.  

Бунда, давлат гранти асосида таълим олган филиал битирувчилари уч йилдан кам бўлмаган муддатга мажбурий ишлаб бериш шарти билан Ўзбекистон Республикасининг давлат органлари ва ташкилотларига тақсимланади;

Филиал Тошкент давлат шарқшунослик университетининг Тошкент шаҳар Миробод тумани, Шаҳрисабз кўчаси, 16-уй манзилида жойлашган бино ва иншоотларига текин фойдаланиш ҳуқуқи билан жойлаштирилади.

Филиалда қуйидаги бакалавриат таълим йўналишлари ва магистратура мутахассислари бўйича кадрлар тайёрланади:

– Филология (шарқ тиллари бўйича);

–  Мамлакатшунослик ва хорижий мамлакатлар иқтисодиёти (шарқ мамлакатлари бўйича);

– Биотиббиёт (кимё, физика, психология ва бошқалар).

Аввалроқ, “Тошкент шаҳрида Федерал давлат бюджет олий таълим муассасаси “Санкт-Петербург давлат университети” филиалини ташкил этиш тўғрисида”ги қарор лойиҳаси муҳокамага қўйилганди.

Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей