Жиззахда қурилаётган кўп қаватли уйнинг бир қисми қулаб тушди
Ҳолат бўйича вилоят Фавқулодда вазиятлар бошқармаси бирламчи маълумот берди.
Вилоят ҳокимлиги маълум қилишича, бугун 10 январь куни саот 17:15 лар атрофида Жиззах шаҳар Зилол маҳалласи Мустақиллик кўчасида янгидан қурилаётган кўп қаватли уйлардан бири қулаб тушган.
Воқеа жойига вилоят Фавқулодда вазиятлар бошқармаси, Ички ишлар бошқармаси ва тиббиёт ходимлари етиб боришган ва ҳолатни ўрганишмоқда.
Қайд этилишича, фойдаланишга топширилмаган мазкур бино 6 қаватли бўлиб, хусусий тадбиркор томонидан устки 4 қавати яшаш учун турар жой, пастки икки қавати эса савдо дўконлари сифатида қурилаётган бўлган.
Воқеа натижасида жабрланганлар ва ҳалок бўлганлар йўқ. Шундай бўлишига қарамасдан, ҳозирда қидирув-қутқарув ишлари олиб борилмоқда.
Ҳолат юзасидан тўлиқ маълумот берилади.
Туркияга қизларни интим хизматлар учун жўнатаётган 21 ёшли шахс қўлга олинди
Уйларнинг бир квадрат метрини 4 миллион сўмдан оширмаслик вазифаси қўйилди
ННТни қайта рўйхатдан ўтказиш муддати 1 ойдан 15 кунгача қисқартирилади