1 USD = 10525.50 1 EUR = 12763.22 1 RUB = 141.09
БРВ = 245 000 сум МРОТ = 747 300 сум
1 USD = 10525.50 1 EUR = 12763.22 1 RUB = 141.09
БРВ = 245 000 сум МРОТ = 747 300 сум
Жамият
5 января, 10:17 631 0

Tashkent City’да қуриладиган 3 та банк офисларининг майдонлари ва лойиҳа қийматлари маълум бўлди

Учала банк офислари биноси қурилиши 2022 йилгача тугалланиши режалаштирилган.

Tashkent City’да қуриладиган 3 та банк офисларининг майдонлари ва лойиҳа қийматлари маълум бўлди
Фото: Telegram

Президентнинг 2021-2023 йилларга мўлжалланган Инвестиция дастурини амалга ошириш бўйича қарорида Tashkent City ҳудудида қуриладиган 3 та банкка тегишли премиум офисларнинг бино майдонлари ҳамда лойиҳа қийматлари маълум қилинди.

Жумладан, Tashkent City ҳудудида “Ўзсаноатқурилишбанк” АТБ “Премиум класс” офис биноси қурилиши 2022 йилгача мўлжалланган бўлиб, майдони 81 минг кв. метрни ташкил қилади ва лойиҳанинг умумий қиймати – 137,0 млн АҚШ доллари.

Шунингдек, “Асакабанк” АТБ “Премиум класс” офис биносини қуриш ҳам 2022 йил учун режалаштирилган. Tashkent City’нинг 64 минг кв. метр ҳудудида қуриладиган банк биноси лойиҳасининг умумий қиймати 102,0 млн АҚШ долларига баҳоланмоқда.

Бундан ташқари Tashkent City ҳудудида 2021-2022 йилларда “Алоқабанк” АТБ “Премиум класс” офис биносини қуриш лойиҳаси доирасида 80 минг кв. метр жой ажратилган бўлиб, лойиҳанинг умумий қиймати 100,0 млн АҚШ долларини ташкил қилади.

Эслатиб ўтамиз, аввалроқ "Tashkent City" ҳудудида қурилаётган 3 та банк биноси - Асакабанк (26 қават), Алоқабанк (26 қават) ва “Ўзсаноатқурилишбанк” (33 қават) ва Кореянинг Bomi Construction (40 қават) бинолари ёнма ён жойлашиши шунингдек, “Ўзсаноатқурилишбанк” АТБ Бош офисининг 33 қаватли биноси томида вертолёт қўниши учун ҳам "шароит" яратилиши маълум бўлганди.

Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей