2020 йилда мактабларга кўмаклашган ташкилотларнинг “Топ-10”талиги эълон қилинди
Бириктирилган мактабларига ёрдам кўрсатган вазирлик ва идораларнинг номлари маълум қилинди.
Халқ таълими вазирлиги оталиққа бириктирилган умумтаълим мактабларига 2020 йил давомида моддий ва маънавий кўмак берган энг яхши вазирлик ва идоралар номини маълум қилди.
Топ-10'таликдан қуйидагилар жой олди:
– Миллий олимпия қўмитаси (Олмазор туманидаги 234-сонли мактабда Инновацион технология хонасини ташкил эттган);
– Ахборот технологиялари ва коммуникацияларини ривожлантириш вазирлиги (Юнусобод тумани 250-сонли мактабда SMART хоналари ташкил этган);
– Фавқулодда вазиятлар вазирлиги (Юнусобод тумани 302-сонли мактабда кенг кўламли ободонлаштириш ишларини амалга оширган);
– Ички ишлар вазирлиги (Юнусобод тумани 58-сонли мактабда кенг кўламли ободонлаштириш ишларини амалга оширган);
– “Ўздонмаҳсулот” АЖ (Учтепа тумани 74-сон мактабининг таъмирталаб пол қисмларини таъмирлаб берган);
– “Ўзбекистон темир йўллари” АЖ (Чилонзор туманидаги 173-сон умумтаълим мактабининг 4 та синф хонасини мукаммал таъмирлаб берган, ўқувчилар учун спорт майдончасига ускунлар ўрнатган ҳамда кенг кўламдаги ободонлаштириш ишларини амалга оширган);
– “Ўзбекнефтегаз” АЖ (Шайхонтоҳур туманидаги 132, 136, 141 ва 180А-сонли мактабларга кўплаб бадиий адабиётлар, замонавий компьютер техникалари (принтер, электрон доска, рангли нусха кўчириш ускунаси ва бошқаларни совға қилган);
– Республика товар-хом ашё биржаси (Сергели туманидаги 269 ва 277-сон умумтаълим мактаблари учун антисептик воситалари (дозатор, пирометр, тиббий ниқоблар ва бошқалар) етказиб берилган);
– Геология ва минерал ресурслар давлат қўмитаси (Юнусобод тумани 12, 21 ва 43-сонли умумтаълим мактабларига кузатув камералари ва ёнғинга қарши ўт ўчириш воситаларини етказиб берган);
– Ташқи ишлар вазирлиги (Учтепа туманидаги 123, 129, 197 ва 203-сонли умумтаълим мактабларида қатор давра суҳбатлари ўтказган. Шунингдек, хорижий тилларда чоп этилган қимматбаҳо бадиий адабиётлар, компьютер жамланмалари, антисептик воситалар ва ўқув қуролларини совға қилинган).
Туркияга қизларни интим хизматлар учун жўнатаётган 21 ёшли шахс қўлга олинди
Уйларнинг бир квадрат метрини 4 миллион сўмдан оширмаслик вазифаси қўйилди
ННТни қайта рўйхатдан ўтказиш муддати 1 ойдан 15 кунгача қисқартирилади