1 USD = 10554.34 1 EUR = 12837.24 1 RUB = 143.43
БРВ = 245 000 сум МРОТ = 747 300 сум
1 USD = 10554.34 1 EUR = 12837.24 1 RUB = 143.43
БРВ = 245 000 сум МРОТ = 747 300 сум
Жамият
30 декабря 2020 г. 506 0

Йил бошидан буён Ўзбекистонда 262,6 млрд сўмлик авторақамлар сотилди

Энг кўп авторақамлар Тошкент шаҳри ва Тошкент вилоятида харид қилинган.

Йил бошидан буён Ўзбекистонда 262,6 млрд сўмлик авторақамлар сотилди
Фото: ЎзА

2020 йилнинг бошидан буён Ўзбекистон республика товар-хом ашё биржасининг avtoraqam.uzex.uz вебсайтида 262,6 млрд сўмлик 106 мингдан зиёд авторақамлар шаффоф онлайн-аукционлар орқали сотилди

Авторақамларнинг сотуви 2019 йилга нисбатан сон жиҳатдан 2,6 маротабага, ҳажми бўйича – 71,2% га ўсди.

Тузилган битта битимнинг ўртача қиймати 2,4 млн сўмни ташкил этган. Сотилган авторақамларнинг 92,3% жисмоний шахслар, 7,7% - юридик шахслар томонидан харид қилинган. Ўтган даврда сотилган авторақамларнинг энг паст баҳоси450,5 минг сўмни, энг қиммат авторақамнинг қиймати эса 206,7 млн сўмни ташкил қилди.

Рақобатли савдолар натижасида битимларнинг 30% биринчи тоифадаги авторақамлар, 33,5% – иккинчи, 19,3% – учинчи, 5,9% – тўртинчи, 5,4% –бешинчи ва 5,9% – олтинчи тоифа авторақамларга тўғри келган.

Ҳудудлар кесимида энг кўп авторақамлар Тошкент шаҳри ва Тошкент вилояти (45,2%) Фарғона (8,2%), Самарқанд (8,1%) ва Наманган (6,0%) вилоятларида харид қилинди.

Вазирлар Маҳкамасининг 2020 йил 4 июндаги 350-сонли қарори билан жорий йилда аукцион савдолари орқали қўшимча 271 та жуфт авторақамлар ҳам сотилиши белгиланди. Мазкур қарор кучга кириши билан жорий йилда онлайн-аукционлар орқали ҳар ойда сотиладиган авторақамларнинг ўртача сони 2 700 дан 14 000 гача ошган.

Шунингдек, аукцион иштирокчилари учун қўшимча қулайликлар яратиш мақсадида жорий йилда “Avtoraqam” мобил иловаси янги кўринишда ишга туширилди. Иловага савдо иштирокчисини онлайн тарзда рўйхатдан ўтказиш ва авторақам бўйича тўловларни амалга ошириш янги функциялари қўшилди.

Эслатиб ўтамиз, авторақамларни онлайн-аукционларда сотилишидан келиб тушган маблағларнинг 80 фоизи – Давлат бюджетига, 20 фоизи – Ички ишлар вазирлигининг моддий-техник базасини ривожлантириш, ходимларини моддий рағбатлантириш ва бошқа харажатлар Махсус жамғармасига йўналтирилади.

Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей