1 USD = 10500.03 1 EUR = 12661.56 1 RUB = 140.70
БРВ = 245 000 сум МРОТ = 747 300 сум
1 USD = 10500.03 1 EUR = 12661.56 1 RUB = 140.70
БРВ = 245 000 сум МРОТ = 747 300 сум
Жамият
17 декабря 2020 г. 395 0

Мажбурий тиббий суғурталашни жорий қилиш 6 ойга кечиктирилади

Амалдаги қонунчиликда ушбу муддат 2021 йил 1 январь этиб белгиланганди.

Мажбурий тиббий суғурталашни жорий қилиш 6 ойга кечиктирилади
Фото: PIXABAY.COM

Соғлиқни сақлаш вазирлиги томонидан “Президентнинг ва ҳукуматнинг айрим ҳужжатларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида”ги президент фармони лойиҳасини муҳокамага чиқарди.  

Унга мувофиқ, 2021 йил 1 июлдан бошлаб Ўзбекистонда мажбурий тиббий суғурталашни босқичма-босқич жорий этиш таклиф қилинмоқда. 

Амалдаги қонунчиликка биноан ушбу тизимни татбиқ этиш муддати 2021 йил 1 январдан бошланиши белгиланганди.

Қайд этилишича, бу Президентнинг 2020 йил 12 ноябрдаги “Бирламчи тиббий-санитария ёрдами муассасалари фаолиятига мутлақо янги механизмларни жорий қилиш ва соғлиқни сақлаш тизимида олиб борилаётган ислоҳотлар самарадорлигини янада ошириш чора-тадбирлари тўғрисида” Фармонига мувофиқ амалга оширилмоқда.

Ҳужжат лойиҳаси муҳокамаси 31 декабрга қадар давом этади.

Эслатиб ўтамиз, Вазирлар Маҳкамасининг “Давлат тиббий суғуртаси тизимини жорий этишга оид ташкилий чора-тадбирлар тўғрисида”ги қарорига биноан 2021 йил 1 июлдан 2022 йил якунигача бўлган муддатда Сирдарё вилоятида давлат тиббий суғуртаси тизимини тажриба-синов тариқасида жорий этиш назарда тутилганди.  

Шунингдек, Ўзбекистонда инсон ҳаёти ва соғлиғи ҳам мажбурий суғурта қилиниши мумкинлиги хабар қилинганди.

Комментарии
Добавить комментарий Приветствуются интересные и осмысленные комментарии по теме материала.
Лента новостей
Весь топ обсуждаемых статей