ТИВ Қозон шаҳрида вафот этган ўзбекистонлик ҳақида маълумот берди
Айни пайтда марҳумнинг жасадини ватанга юбориш билан боғлиқ масалалар ҳал қилинмоқда.
Ўзбекистоннинг Қозон шаҳридаги (Россия) Бош консулхонаси Қозон шаҳрида вафот этган ўзбекистонлик ҳақида маълумот берди.
Хабарга кўра, Ўзбекистон фуқароси, 1983 йилда туғилган A.М. 2020 йил 27 ноябрь куни қурилиш объектининг иккинчи қаватидан йиқилиб тушиши натижасида вафот этган.
“Бош консулхона вазиятни ўз назоратига олди, ҳамюртимизнинг жасадини ватанга юбориш билан боғлиқ консуллик-ҳуқуқий, ташкилий ва бошқа масалаларни ҳал қилишда ёрдам кўрсатмоқда”, - дейилади Ўзбекистон ТИВ хабарида.
Аввалроқ, Қозонда Ўзбекистондан келган ишчи қурилиш объектидан йиқилиб вафот этгани, ҳолат бўйича прокурор суриштирови бошлангани айтилганди.
Яна бир давлат Ўзбекистон фуқаролари учун чегарасини очди
Россиянинг Ўзбекистондаги янги элчиси тайинланди
Mercedes-Benz икки пиёдани уриб юборди. Улардан бири воқеа жойида вафот этган