Пойтахтда спа салони ниқобидаги фоҳишахона аниқланди — видео
Ушбу жойда бузуқлик билан шуғулланиш учун барча шароит яратилган.
Zo‘r TV телеканалининг “25 соат” кўрсатувида ёритилишича, Тошкентнинг Яшнобод туманида спа салони ниқоби остида фоҳишахона вазифасини бажараётган маскан аниқланган.
ИИО ходимларининг тезкор гуруҳи ушбу масканга кириб борганида айш-ишратга берилган эркаклар ва аёллар бузуқлик қилаётгани устидан чиққан.
Тезкор гуруҳ хоналарни кўздан кечириш пайтида шаҳвоний хирсни қондириш учун шароит яратилганига гувоҳ бўлган.
Шунингдек, масканда яшаш учун бир неча аёлларга мўлжалланган ётоқхона борлиги аниқланган.
Таъкидланишича, ушбу жойнинг иш бошқарувчиси берган жавоблари шунга ўхшаш бошқа масканлардаги жавобдан фарқ қилмайди. Билмабман, кўрмабман, эшитмабман каби баҳоналар айтилди, дейилади кўрсатувда.
Бундан ташқари Тошкент шаҳри Чилонзор туманидаги кўп қаватли уйларнинг бирида фоҳишахона ташкил этилганлиги ҳақида хабар келиб тушади. Ушбу масканга ёлланма мижоз юборилади.
Гумонда бўлган хонадонга кирган тезкор гуруҳ икки аёлдан бири ёлланма мижоз билан бирга бўлишга тайёрланаётгани устидан чиққан. Хоналар кўздан кечирилганида, жинсий алоқа вақтида ҳомиладорликдан сақловчи воситалар борлиги аниқланди.
Қонунбузарларга нисбатан тегишли тартибда баённома расмийлаштирилган.
Туркияга қизларни интим хизматлар учун жўнатаётган 21 ёшли шахс қўлга олинди
Уйларнинг бир квадрат метрини 4 миллион сўмдан оширмаслик вазифаси қўйилди
ННТни қайта рўйхатдан ўтказиш муддати 1 ойдан 15 кунгача қисқартирилади