Жамият

“Тошкентда тадбиркорни куч ишлатиб машинага тиққанлар” нега бундай қилишгани айтилди

Аввалроқ, сурхондарёлик тадбиркор номаълум кимсалар унга куч ишлатиб, қўлларига кишан солиб автоуловга тиққанини айтганди.

“Тошкентда тадбиркорни куч ишлатиб машинага тиққанлар” нега бундай қилишгани айтилди
Фото:Скриншот

Интернет тармоғида сурхондарёлик тадбиркор Тошкентда ўзига тегишли  МЧЖ жойлашган ҳудудда номаълум кимсалар унга куч ишлатиб, қўлларига кишан солиб автоуловга тиққанини маълум қилганди.

 

Тошкент шаҳар ИИББ ушбу фуқаронинг қўлга олиниши билан боғлиқ факт бўйича тафсилотларни маълум қилди.  

 

Қайд этилишича, 2 октябрь куни Миробод тумани ИИО ФМБ тезкор ходимлари томонидан прокуратура органларининг қарорига кўра МЧЖ раҳбари бўлмиш Сайидали М.нинг турар жойи аниқланган. Илгарироқ, тергов олди текширувлари давомида прокуратура ходимлари томонидан мазкур МЧЖ раҳбарияти мажбурий солиқ тўловларидан бўйин товлагани аниқланган.

 

Бундан ташқари, Сайидали М.га нисбатан ҳуқуқни муҳофаза қилувчи органларда бошқа бир МЧЖ раҳбари А.Г.дан келиб тушган ариза мавжуд. Мазкур аризада дори воситаларининг олди-сотдиси келишуви бўйича қолган маблағ тўланмаганлиги маълум қилинган.

 

Тезкор ходимлар ўзларини таништириб ва хизмат гувоҳномаларини кўрсатиб Сайидали М.га туман прокуратурасига унга нисбатан келиб тушган ариза бўйича ҳолатни аниқлаш учун бориш кераклигини айтишган. Аммо Сайидали қочишга уриниб, фаол қаршилик кўрсатган. Шунинг учун ходимлар қонунчиликка мувофиқ Сайидалининг қўлларига кишан солиб прокуратурага олиб боришга мажбур бўлишган. Ҳозирги вақтда Миробод тумани прокуратураси томонидан тергов олди текшируви олиб борилмоқда.

комментарии
Приветствуются интересные и осмысленные комментарии по теме материала.
ЎХШАШ МАҚОЛАЛАР
ДОЛЗАРБ
ОММАВИЙ
ҚИЗИҚАРЛИ
У ВАС ЕСТЬ НОВОСТЬ? Поделитесь с нами
ВЫСЛАТЬ НОВОСТЬ
ЛЕНТА НОВОСТЕЙ
ПОПУЛЯРНЫЕ
ГОРЯЧИЕ
ИНТЕРЕСНЫЕ