Жамият

Контракт ва “супер контракт”ни тўлаш муддати маълум қилинди

Давлат комиссияси қарорига мувофиқ, “супер контракт” тўловини икки марта бўлиб тўлаш имконияти яратилган.

Контракт ва “супер контракт”ни тўлаш муддати маълум қилинди
Фото:UzNews.uz

Ўзбекистон таълим муассасаларига ўқишга қабул қилиш бўйича Давлат комиссияси мажлисининг баёни қарорига мувофиқ, 2020/2021 ўқув йили учун оширилган (ўтиш чизиғига 4 баллгача етмаган) ҳамда табақалаштирилган (56,7 баллдан кам “супер контракт”) тўлов-контракт миқдорлари:  

 

-  ўқув йилининг биринчи ярми учун камида 50 фоизи 2020 йилнинг 1 декабридан; 

 

-  иккинчи ярми учун 2021 йилнинг 1 мартидан кечиктирмай тўланиши белгиланган. 

 

Қайд этилишича, илгари ушбу тўлов бир мартада тўланган.

 

Давлат комиссияси қарорига мувофиқ, 2020/2021 ўқув йилида олий таълим муассасалари бакалавриатига тўлов-контракт асосида талабаликка тавсия этилган абитуриентлар учун тўлов ҳақини ўтказиш ҳамда талабалар сафига қабул қилишни расмийлаштиришнинг сўнгги муддати 2020 йилнинг 1 ноябри этиб белгиланган.  

 

2020/2021 ўқув йилидан бошлаб республика олий таълим муассасаларига иқтисодиёт тармоқларида камида беш йил иш стажига эга бўлган ва тегишли тавсиянома билан суҳбат асосида қабул қилинганлар учун тўлов-контракт миқдорлари мос равишда ҳар йили амалда белгиланадиган бакалавриат таълим йўналишлари ва шакли бўйича базавий тўлов-контракт қиймати миқдорларига нисбатан 2 бараварида (ҳар ўқув йили учун) белгиланган.

 

 

комментарии
Приветствуются интересные и осмысленные комментарии по теме материала.
ПОХОЖИЕ ПУБЛИКАЦИИ
ГОРЯЧИЕ
ПОПУЛЯРНЫЕ
ИНТЕРЕСНЫЕ
У ВАС ЕСТЬ НОВОСТЬ? Поделитесь с нами
ВЫСЛАТЬ НОВОСТЬ
ЛЕНТА НОВОСТЕЙ
ПОПУЛЯРНЫЕ
ГОРЯЧИЕ
ИНТЕРЕСНЫЕ