Криминал

Фарғонада 4,5 млрд сўм кредит маблағлари ўзлаштириб юборилгани аниқланди

Тадбиркор ва унинг шериги банкдан олинган кредитни нақдлаштириб 47 дона енгил турдаги автомобиль харид қилган.

Фарғонада 4,5 млрд сўм кредит маблағлари ўзлаштириб юборилгани аниқланди
Фото:t.me/andpress

Фарғонада жуда кўп миқдордаги кредит маблағларини ўзлаштириш ҳолати аниқланди. Бу ҳақда UzNews.uz’га Бош прокуратура Матбуот хизматимаълум қили.

 

Қайд этилишича, Бош прокуратура ҳузуридаги Департаментнинг Фарғона шаҳар бўлими томонидан ўтказилган терговга қадар текширувда, «Х.» хусусий корхонаси раҳбари Н.И. ва фуқаро А.Ш.лар ноқонуний даромад орттириш мақсадида олдиндан тил бириктириб, банк муассасасидан ажратилган 4,5 млрд сўм кредит маблағларини А.Ш.нинг банк пластик картасига ўтказиб, ўзлаштириш йўли билан талон-торож қилганликлари аниқланган.

 

Хусусан, Н.И. ва А.Ш.лар пластик картасига ўтказилган кредит маблағлари ҳисобидан 820,4 млн сўмни «Қ.» МЧЖнинг кредит тўлови учун ўтказганликлари, қолган пул маблағларини тижорат банклари банкоматлари орқали нақдлаштириб, фуқаро Ш.дан 40 дона ва фуқаро Т.дан 7 дона турли русумдаги енгил автомашиналарни сотиб олиб, жиноий фаолиятдан олинган даромадларини легаллаштирган.

 

Мазкур ҳолат юзасидан «Х.» ХК раҳбари Н.И., фуқаро А.Ш. ва бошқаларга нисбатан Жиноят кодексининг 167-моддаси 3-қисми «а» банди ва 243-моддаси билан жиноят иши қўзғатилиб, тергов ҳаракатлари ўтказилмоқда.

комментарии
Приветствуются интересные и осмысленные комментарии по теме материала.
ЎХШАШ МАҚОЛАЛАР
ДОЛЗАРБ
ОММАВИЙ
ҚИЗИҚАРЛИ
У ВАС ЕСТЬ НОВОСТЬ? Поделитесь с нами
ВЫСЛАТЬ НОВОСТЬ
ЛЕНТА НОВОСТЕЙ
ПОПУЛЯРНЫЕ
ГОРЯЧИЕ
ИНТЕРЕСНЫЕ