Жамият

Мулкдорлар ҳуқуқлари ва қонуний манфаатлари кафолатлари янада кучайтирилади

Депутатлар ер участкаларини олиб қўйиш ва мулк ҳуқуқидан маҳрум қилиш бўйича янги тартибни назарда тутувчи ҳужжат лойиҳасини кўриб чиқдилар. 

Мулкдорлар ҳуқуқлари ва қонуний манфаатлари кафолатлари янада кучайтирилади
Фото:ИБР

Олий Мажлис Қонунчилик палатасидаги сиёсий партиялар фракциялари томонидан “Мулкдорлар ҳуқуқлари ва қонуний манфаатлари кафолатлари янада кучайтирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонун лойиҳаси кўриб чиқилмоқда. Бу ҳақда Олий Мажлиснинг қуйи палатаси депутати Расул Кушербаев маълум қилди.

 

Қонун лойиҳасига кўра:

 

–  ер участкаларининг ҳокимлар томонидан олиб қўйилишига таъқиқ белгилаш, ер участкасига эгалик қилиш ва ундан фойдаланиш, шунингдек, ер участкасини ижарага олиш ҳуқуқини тугатиш бўйича ваколатларини чеклаш;

 

–  ер участкаларини давлат ва жамоат эҳтиёжлари учун олиб қўйиш ваколатини Қорақалпоғистон Республикаси Жўқорғи Кенгесига, халқ депутатлари вилоятлар ва Тошкент шаҳар Кенгашларига бериш;

 

–  корхоналарни (ташкилотларни) давлат тасарруфидан чиқариш ҳамда мол-мулкни хусусийлаштириш натижаларининг қайта кўриб чиқилиши ва бекор қилинишига йўл қўйилмасликни назарда тутувчи ўзгартиришлар киртиш назарда тутилмоқда.

 

Бу орқали “Маҳаллий давлат ҳокимияти тўғрисида”ги, “Хусусий мулкни ҳимоя қилиш ва мулкдорлар ҳуқуқларининг кафолатлари тўғрисида”ги Ўзбекистон Репспубликаси Қонунлари ва Ер кодексига тегишли ўзгартириш ва қўшимчалар киритилади.

 

Агар ер эгаси, ердан фойдаланувчи ва ижарачи ер участкасини олиб қўйиш ҳақидаги тегишинча Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашларининг қарорига ёки Ўзбекистон Республикаси Вазирлар Маҳкамасининг қарорига рози бўлмаган тақдирда, бу қарор устидан белгиланган тартибда шикоят қилиши мумкин.

 

Расул Кушербаев юқоридаги масалалар бугунги кундаги манфаатлар тўқнашуви бор, энг кўп коррупция ҳолатларни келтириб чиқарувчи иллатлар жам бўлган жараёнлардан бири эканлигини афсус билан қайд этади.

 

«Айримларнинг ўткинчи, кимнидир буюрмаси, шахсий манфаати ёки раҳбариятга «яхши кўриниш» илинжида хусусий мулкларни бузиши ёки «рейдерлик услубида» олиб қўйиши жамиятимизда сўнгги вақтлардаги энг ҳавотирли муаммолардан бирига айланди. 

Умид қиламизки, қонунчиликда бўлаётган ўзгаришлар бу каби адолатсизликларни тийиб туриш, баъзиларнинг «кўзини очиши» учун хизмат қилади. У ёғи энди маҳаллий кенгашлардаги депутатлар ва судларнинг бундан фойдалана олишига боғлиқ: илтимос, фуқаро манфаати учун ваколатдан фойдаланишда журъатингизни йиғинг энди», дейди у.

Covid-19 в Узбекистане
Заразились56519(+266)
Выздоровели52970(+111)
Умерли468(+3)
Covid-19 в Узбекистане
Заразились56519(+266)
Выздоровели52970(+111)
Умерли468(+3)
комментарии
Приветствуются интересные и осмысленные комментарии по теме материала.
ПОХОЖИЕ ПУБЛИКАЦИИ
ГОРЯЧИЕ
ПОПУЛЯРНЫЕ
ИНТЕРЕСНЫЕ
У ВАС ЕСТЬ НОВОСТЬ? Поделитесь с нами
ВЫСЛАТЬ НОВОСТЬ
ЛЕНТА НОВОСТЕЙ
ПОПУЛЯРНЫЕ
ГОРЯЧИЕ
ИНТЕРЕСНЫЕ