Бу ҳафтада ҳаво ҳарорати 41 даражагача кўтарилиши кутилмоқда
Синоптиклар Ўзбекистонда мазкур ҳафтада кутилаётган об-ҳаво ҳақида маълумот берди.
Ўзгидромет хабарига кўра, 25 май куни Ўзбекистон ҳудудида Эрон томондан иссиқ ҳаво киришига сабаб бўлган юқори барик ўркач таъсири сақланиб туради.
Бутун республика бўйича об-ҳаво очиқ бўлади. Кундузги ҳарорат +36…+39 даражани ташкил қилади, шимолий ҳудудлар ва чўл зонасида айрим жойларда +40…+41 даражагача етади.
Баландликдаги юқори босимли қатлам ҳафтанинг охиригача мамлакатдаги об-ҳаво шароитларига таъсир қилади. Об-ҳаво асосан кам булутли бўлади. 27-28 май кунлари республиканинг шимоли ва чўл зоналарида шамолнинг тезлиги секундига 17-22 метргача кучайиши мумкин.
Ҳаво ҳарорати +34…+39 даража атрофида бўлади. Республиканинг шимоли, чўл зонаси ва жанубида ҳарорат +40…+41 даражагача етади.
Қайд этилишича, бу бутун ҳудуд бўйича май ойининг сўнгги кунлари учун хос ўртача кўп йиллик қийматлардан 5-7 даражага юқори, ва энг иссиқ йилларда шу кунларда кузатилган ҳароратлардан озгина паст.
Туркияга қизларни интим хизматлар учун жўнатаётган 21 ёшли шахс қўлга олинди
Уйларнинг бир квадрат метрини 4 миллион сўмдан оширмаслик вазифаси қўйилди
ННТни қайта рўйхатдан ўтказиш муддати 1 ойдан 15 кунгача қисқартирилади