30 апрель куни АҚШда виза режими ёки қонуний бўлиш муддатини бузган ва депортация қилиниши лозим бўлган Ўзбекистон фуқароларини ўз ватанларига қайтариш учун Нью-Йоркдан Тошкентга махсус чартер рейс ташкил этилди.
АҚШ Ички хавфсизлик департаменти Ўзбекистон ҳукумати билан ҳамкорликда Ўзбекистон, Қозоғистон ва Қирғизистондан келган 100 дан ортиқ ноқонуний муҳожирни депортация қилди.
Котиб Кристи Ноэмнинг таъкидича, Ўзбекистон ўз фуқароларининг қайтишини тўлиқ молиялаштириш мажбуриятини олди, бу икки давлат ўртасидаги мустаҳкам хавфсизлик алоқаларини намойиш этди ва АҚШ иттифоқчилари учун янги стандарт ўрнатди.
"Биз 131 нафар ноқонуний муҳожирни ўз ватанига қайтариш учун самолёт жўнатган Ўзбекистон президенти Шавкат Мирзиёев раҳбариятини юксак қадрлаймиз. Биз умумий хавфсизлигимиз ва қонун устуворлигини мустаҳкамлаш йўлида Ўзбекистон билан ҳамкорликни давом эттиришга умид қиламиз", - деган у.
Қирғизистон ва Қозоғистон фуқаролари Ўзбекистонга келганидан сўнг ўз ватанларига қайтади.