Бугун ва дам олиш кунлари Ўзбекистон ҳудуди бўйича ҳаво бироз булутли, баъзи жойларда ўзгарувчан бўлади, ёғингарчилик кутилмайди.
Шамол шарқдан 7-12 м/с тезликда эсади, айрим жойларда чанг-тўзонлар билан 15-20 м/с гача кучайиши мумкин. Ушбу кунларда ҳаво ҳарорати кўтарилиши давом этади.
Бугун кундузи ҳаво +27...+30 даражагача, якшанба кунига келиб эса +32...+35 даражагача исийди. Шимолда, жанубда ва чўл ҳудудларда дам олиш кунлари баъзи жойларда +36...+39 даражагача исийди.
Тошкентда 25-27 апрель кунлари ёғингарчилик кутилмайди. Бугун кундузи ҳарорат +28...+30 даража, шанба куни +30...+32 даража, якшанба куни +32...+34 даража бўлади. Ҳарорат асосан кечалари +15...+18 даража бўлади.
Шамол шарқдан 3-8 м/с тезликда эсади.