АҚШ фуқароси бўлган Акиниела Сава Тейлор Белизда бортида 14 киши бўлган йўловчи самолётини гаровга олди. Бу ҳақда АBC News нашри хабар берди.
"Самолёт ҳавога кўтарилишидан бироз олдин бортдаги йўловчи томонидан қўлга олингани ҳақида полиция маълумот олган. Тейлор уни мамлакатдан олиб чиқиб кетишларини хоҳлаган ва самолёт учун кўпроқ ёқилғи талаб қилган," - дея телеканал политсияга таяниб хабар бермоқда.
Ҳаво кемаси устидан назоратни қўлга олган жиноятчи маълум вақтдан сўнг Филипп Голдсон номидаги аэропортга қўнган.
Шундан сўнг, жиноятчи ёнида лицензияга эга ўқотар қурол бўлган йўловчилардан бири томонидан отиб ўлдирилган.
"Биз миннатдормиз - ўйлайманки, ҳаммамиз миннатдормиз - бу оммавий қурбонларга олиб келмагани учун. Менинг ҳисоб-китобларимга кўра, самолёт бортида ўндан ортиқ одам бўлган," - деди АҚШ Давлат департаменти вакили Темми Брюс ҳодисадан кейин.
Ҳодиса оқибатида уч нафар йўловчи тан жароҳати олган. Уларнинг ҳаммаси Белиз фуқаролари.