Маълум қилинишича, Сирдарё вилояти Сардоба туманида яшовчи йигит тунги вақтда шу тумандаги уйга ўғирликка тушган.
Судланувчи уйга деразадан ошиб кириб, уйда ухлаб ётган аёлнинг бўйнидаги тилла занжирни ечиб олаётган вақтида аёл уйғониб кетган.
Йигит эса унинг танасига ошхона пичоғи билан кўп маротаба уради. Натижада, аёл воқеа жойида вафот этган.
ЖИБ Сирдарё вилояти Гулистон шаҳар судида ушбу жиноят иши кўриб чиқилди ва суд ҳукми ўқилди.
Унга кўра, судланувчига 20 йил муддатга озодликдан маҳрум қилиш жазоси тайинланди.