Грециянинг Родос шаҳрида шахматнинг рапид йўналиши бўйича болалар ва ўсмирлар ўртасида якунланган жаҳон чемпионатида ўзбекистонлик икки нафар иқтидор соҳиби шоҳсупадан жой олди.
Жаҳон чемпионатида дунёнинг 40 давлатидан 330 нафардан ортиқ ёш шахматчи иштирок этди.
Ўзбекистон шарафини уч нафар ёш шахматчи ҳимоя қилди. Ҳумоюн Бекмуродов(12 ёш), Олмос Раҳматуллаев(16) ва Умида Омонова (16) ёш.
Сурхондарё шахмат мактаби вакили Умида Омонова ўз ёш тоифасида жаҳон чемпиони бўлди. Тошкент шаҳри вакили Ҳумоюн Бекмуродов эса кумуш медаль соҳибига айланди.