Канаданинг Kitko халқаро таҳлилий маркази маълумотларига кўра, Навоий вилоятидаги “Мурунтов” кони 2021 йилда олтин қазиб олиш бўйича жаҳон етакчисига айланди, дея хабар беради НКМК АЖ Матбуот хизмати.
Ўтган йили “Мурунтов” конида 2 миллион унциядан ортиқ олтин қазиб олинди. Унинг ресурслари 150 миллион унциядан ортиқ деб баҳоланган.
Олтин қазиб олиш бўйича иккинчи ўринда АҚШдаги “Карлин” кони (1,5 млн унция олтин), учинчи ўринда Индонезиядаги “Грасбер” кони (1,3 млн) эгаллаган.
Бугунги кунга келиб “Мурунтов” карерининг узунлиги 4,3 км, кенглиги 3,2 км, чуқурлиги 650 метрга яқин. Конда йилига 42 миллион тоннадан ортиқ маъда қазиб олинмоқда. Бу ерда 2,6 мингдан ортиқ ишчи меҳнат қилмоқда.
“Мурунтов” кони геологлар томонидан олтин захиралари бўйича энг йирик кони сифатида эътироф этилган, унинг захиралари 4,5 минг тоннадан ортиқни ташкил қилади. Келгусида 1050 метргача чуқурликда олтин қазиб олиш ва қазиб олиш ҳажмини 50 миллион тонна рудага етказиш режалаштирилган.
Эслатиб ўтамиз, “Мурунтов” кони Kitko рейтинги бўйича кетма-кет иккинчи йил олтин қазиб олиш бўйича дунёда етакчи ҳисобланади.
“Мурунтов яқин” келажакда дунёдаги энг йирик олтин кони унвонини сақлаб қолиши мумкин.