Авиация хавфсизлиги нуқтаи назаридан фуқаролар самолёт орқали ҳаракатланишлари даврида ўзлари билан олиб кета олмайдиган, тақиқланган нарсалар мавжуд.
Агарда йўловчи шуни билган ҳолда ҳам ноқонуний ҳаракатни давом эттирса, бу ерда ўз вазифасини ўтаётган хавфсизлик органлари ходимлари уларнинг олиб ўтмоқчи бўлган ноқонуний товарларини тўхтатиб қолишади, бундай шахсларга эса тегишли ҳолатда чора кўрилади.
Ўзбекистон Республикаси Бош Прокуратураси ҳузуридаги Ахборот-таҳлил Мултимедиа маркази тайёрлаган лавҳада, Тошкент халқаро аэропортидаги хонада фуқаролар ноқонуний тарзда самолётга ўзлари билан олиб ўтишга уринган газли пистолет, электрошокер, пакки, пичоқ, ханжар, танкни йўқотишга қаратилган каби хавфли қуроллар борлигини кўриш мумкин.
Бир қарашда бу ерда бўлган киши қуроллар сотиладиган магазин ёки музейга тушиб қолгандай ўзини ҳис этиши мумкин, лекин масалани бошқа томондан ўйлаб кўрсангиз бу қуроллар сувинер эмас, балки ҳақиқий эканлиги, уни олиб ўтишда уринган фуқароларнинг нияти яхши эмаслигига далолатдир.