Соғлиқни сақлаш вазирлигининг хабарига кўра, Соғлиқни сақлаш вазирлигининг марказий аппарати тузилмасига қўшимча Ўзбекистон Республикаси Соғлиқни сақлаш вазирининг биринчи ўринбосари – Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик агентлиги директори лавозими киритилди. Мазкур лавозимга Юсупалиев Баҳодир Қаҳраманович тайинланди. Шу вақтгача у Соғлиқни сақлаш вазирининг биринчи ўринбосари лавозимида фаолият кўрсатиб келаётган эди.
Олдин хабар берганимиздек, Санитария-эпидемиологик осойишталик агентлигининг собиқ директори Баҳром Алматов Агентлик директори ўринбосари лавозимига тайинланган.
Шунингдек, Агентлик директорининг биринчи ўринбосари лавозимига Қурбонов Ботиржон Журабаевич тайинланди.