Соғлиқни сақлаш вазирлиги матбуот хизматининг хабарига кўра, 2 май куни мобайнида Қорақалпоғистон Республикаси, Наманган, Хоразм, Андижон вилоятлари ва Тошкент шаҳрида умумий ҳисобда 59 нафар фуқароларимиз коронавирус инфекциясидан бутунлай соғайиб, соғлиқни сақлаш бошқармаси масъуллари иштирокида реабилитацияга кузатилди.
Беморларнинг энг ёши каттаси 65 ёшда бўлса, энг ёши кичиги 2 ёш.
Соғайганларни худудлар кесимида оладиган бўлсак, Самарқанд ва Хоразм вилоятларидан 1 нафардан, Андижон ва Фарғона вилоятларидан 2 нафардан, Тошкент вилояти ва Қорақалпоғистон Республикасидан 8 нафардан, Наманган вилоятидан 18 нафар, Тошкент шаҳридан эса 19 нафар фуқаролар бор.
Айни пайтда юртимиз бўйлаб коронавирус инфекциясидан бутунлай соғайганлар 1271 нафарни ташкил этмоқда.