Шавкат Мирзиёев бугунги Қорақалпоғистондаги сайловчилар билан учрашувда кейинги беш йилда қилинадиган ишлар ҳақида гапирди.
Унга кўра, Қорақалпоғистонга мамлакатни ривожлантириш учун келгуси беш йилда 43 триллион сўм ажратилади.
Шунингдек, маҳаллага кирган ирригация тизимини тиклаш махсус жамғармаси ташкил этилади. Бу жамғармани Фермерлар ва деҳқонлар кенгаши барча туманларда ташкил қилиб, ўзи бошқаради. Бюджетдан ҳар бир туман жамғармасига 10 млрд сўмдан ўтказиб берилади.
422 та маҳалланинг ихтисослашувидан келиб чиқиб, оилавий тадбиркорлик дастурларига ҳар йили 650 миллиард сўм кредитлар ажратилади.
Ушбу маблағ бюджетдан (10 триллион сўм), халқаро молия ташкилотларидан 19 (триллион сўм), банк кредитлари (14 триллион сўм) олинади.
Ушбу пуллардан самарали фойдаланиш, иқтисодиёт ва инвестиция соҳасида олинган марраларга эришиш учун ҳукумат, марказий иқтисодий идоралар ва Вазирлар Кенгашининг иш услуби тўлиқ ўзгаради.
Бунда, Тошкентдаги вазирлар ва тармоқлар раҳбарлари Вазирлар Кенгаши билан бирга иш натижалари бўйича ҳар чоракда Жўқорғи Кенгесда ҳисобот беради.
Бу масала сенатнинг алоҳида назоратида бўлади ва мунтазам равишда муҳокама қилиб борилади.