Санкт-Петербургда бир неча йилдан бери ишлаб келаётган ўзбекистонлик мигрант ёнғин пайтида бир неча аёлларни қутқариб, қаҳрамонга айланди. Бу ҳақда KP.ru хабар бермоқда.
Қайд этилишича, Подольская кўчасидаги тарихий уй 25 апрель куни эрта тонгда ёниб кетган. Ёнғинга биринчи бўлиб, шу маҳаллада тозаловчи бўлиб ишловчи Олим исмли эркак етиб келган.
Мен ишга келдим, ҳали эрталаб олти эди. Деразадан олов чиқаётганини кўрдим. Шу пайт дарҳол ўт ўчириш бўлимига қўнғироқ қилдим. Улар етиб келганда олов шу қадар қизиганидан одамлар деразадан ташқарига чиқа бошлади. Мен аёллар қичқираётганини ва сакрамоқчилигини кўриб, уларга сакрамаслигини, ўт ўчирувчилар қутқаришини айтдим. Бу вақтда ўт ўчирувчилар зинапояни очиб, юқори қаватга чиқаётган эди", - деди у.
Таъкидланишича, одамлар қўрқувдан учинчи қаватдан сакрашга тайёргарлик кўришган. Шу лаҳзада Олим дренаж трубасидан тепага кўтарила бошлаган ва бир нечта моҳир ҳаракатлар билан учинчи қаватга етиб олган ҳамда аёллардан бирига дераза токчасида туришга ёрдам берган. Шундан сўнг, ўт ўчирувчилар келиб, нарвонни ўрнатишган. Олим аёлларни пастга туширишга ёрдам берган.
"Агар 7-қаватга кўтарилиш керак бўлса, кўтарилган бўлардим. Ҳаммаси қандай содир бўлганини эслай олмайман. Ҳаммаси жуда тез содир бўлди. Мен бир ерда туриб, уларга қарай олмадим, улар қаттиқ бақиришарди! Биз ҳаммамиз инсонмиз, бирга яшаймиз, бир-биримизга ёрдам беришимиз керак", - деди у.