22 октябрь куни, тахминан соат 01:00 да Чилонзор тумани ҳудудида Бангладеш фуқароларига босқинчилик уюштирилди.
Тошкент шаҳар ИИББ матбуот хизматининг хабар беришича, беш нафар ҳуқуқбузар босқинчилик йўли билан ўзганинг мол-мулкини талон-торож қилиш мақсадида, Қизил шарқ мавзесида уч нафар Бангладеш фуқароларига ҳужум қилган.
Пичоқ билан қўрқитган ҳолда, уларга тегишли бўлган жами баҳоси 4.400 АҚШ доллари бўлган мол- мулкларини, шунингдек, 700 АҚШ доллари ва 500.000 сўм миқдоридаги пулларини ўғирлаб, жиноят жойидан яширинган.
Мазкур ҳолат юзасидан Чилонзор тумани ИИБ ҳузуридаги Тергов бўлими томонидан Ўзбекистон Республикаси ЖКнинг 164-моддаси 2-қисми “б,в” банди (босқинчилик, яъни бир гуруҳ шахслар томонидан олдиндан тил бириктириб, анча миқдордаги ўзганинг мулкини талон-торож қилиш мақсадида ҳужум қилиш) аломатлари билан жиноят иши қўзғатилган.