Тошкентнинг Caravan Group ресторанлар тармоғи, «Навруз», «Голубые купола», «Трюфель», «Апрель», «Sal Sal» ва бошқа етакчи ресторанлари миллий авиаташувчи бортида овқатланиш учун янги менюни тақдим қилишди.
Биринчи бўлиб Caravan Group ресторанлар тармоғи авиайўловчилар учун бортда овқатланиш концепциясини тақдим қилди.
Авиакомпания мутахассислари эътиборига бизнес класс учун уч турдаги меню ва иқтисод класс учун икки турдаги меню тақдим этилди. Caravan Group томонидан 50 та атрофида тўплам ишлаб чиқилган эди. Бундан ташқари, ресторан вакиллари идиш ва сервировканинг керамист Римма Газалиева эскизлари асосида ишланган миллий кўринишдаги намуналарини тақдим қилишди.
Мутахассислар ҳар бир таомни алоҳида ўрганиб, маҳсулотлар керакли жойга етказилганидан ва иситилганидан сўнг қандай кўринишда бўлишини аниқлаштирдилар.
Бортда овқатланиш бўйича навбатдаги тақдимот икки ҳафтадан кейин бўлиб ўтади.
Барча ресторанларнинг таклифлари кейинчалик ҳақиқий парвоз чоғида синовдан ўтказиб кўрилади.