Аввалроқ, “Малика” савдо комлексида ўзаро келишмовчилик юзасидан сотувчи ҳамда харидор ўртасида пичоқбозлик рўй бергани ҳақида хабар берган эдик.
Кеча, 12 июль куни Шайхонтоҳур туманида жойлашган ушбу савдо комлексида яна ўзаро келишмовчилик юзасидан пичоқбозлик бўлган. Бу ҳақда Ички ишлар вазирлиги хабар бермоқда.
Хабарда айтилишича, Олмазор туманида яшовчи муқаддам судланган Саиднўъмон Акбаров “Малика” савдо мажмуасининг автотураргоҳида ўзаро жанжал оқибатида Олмазор туманида яшовчилар Х.С., А.А. ва Ж.М.ларга пичоқ билан жароҳат етказиб, воқеа жойидан яширинган.
Натижада, олган жароҳатлари сабаб Х.С., А.А., Ж.М.лар касалхонага ётқизилганлар. С.Акбаровни эса ушлаш чоралари кўрилган.
Ҳурматли фуқаролар, орангизда кимда ким Саиднўъмон Акбаровни кўрган, у ҳақида бирон бир маълумотга эга бўлса, ички ишлар органларининг ҳудудий бўлимларига ёки “102” телефон рақамига қўнғироқ қилиб, хабар беришингизни сўраймиз.