Излаш
RUUZ

Жамият

Солиқ соҳасига ишга киритишни ваъда берган Солиқчи “пора” билан ушланди

ИИБ коррупция ва иқтисодий жиноятларга қарши кураш бўлими ва вилоят прокуратураси ходимлари солиқ ходимини пора олаётган вақтида қўлга олди.

3667views0replies
0

Иллюстрация

Боғот туманида яшовчи, 1973 йилда туғилган Қ.Х. солиқ тизимида ўзига ишониб топширилган мансаб ваколатидан фойдаланган ҳолда инсонларга беғараз ёрдам кўрсатиш ўрнига, аксинча моддий бойлик орттиришни режалаштириб олди.
У ўзининг ёнига бирор жойга ишга киришида ёрдам сўраб келган танишига бажонидил ёрдам беришини билдириб, “озгина харажати” борлигини суҳбат орасида эслатиб ўтди.
2018 йилнинг 5 июнь куни Хоразм вилояти ИИБ коррупция ва иқтисодий жиноятларга қарши кураш бўлими ва вилоят прокуратураси ходимлари ҳамкорлигида ўтказилган тезкор тадбир давомида, ўзи талаб қилган 1000 АҚШ долларини олаётган Қ.Х. жиноят устида қўлга олинди.
Хоразм вилояти ИИБ ходими подполковник З.Исмоиловнинг хабар беришича, ҳозирда мазкур ҳолат юзасидан Ўзбекистон Республикаси Жиноят Кодексининг 168-моддаси 1-қисми (Фирибгарлик) ва 28-211-моддаси 1-қисми (Пора беришга далолатчилик қилиш) билан жиноят иши қўзғатилиб, тергов ҳаракатлари олиб борилмоқда.
3667views0replies
0

Изоҳлар