Наманган вилоятининг Тўрақўрғон туманида яшовчи О.Т. 1 июнь куни Тўрақўрғон хизмат кўрсатиш касб-ҳунар коллежининг 2-босқич ўқувчиси О.Т., худди шу касб-ҳунар коллежининг 3-босқичида таҳсил олаётган А.А. билан Бозорбоши маҳалласида ўзаро жанжалашиб унга қўллари билан жароҳат етказган.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, натижада А.А. беҳуш ҳолда касалхонага келтирилганида вафот этган. Тан жароҳати етказган О.Т. қўлга олинган.
“Ёшлар” телеканали тайёрлаган лавҳада эса айбдорлар устидан жиноят иши қўзғатилгани ҳамда ҳозирда тергов ҳаракатлари олиб борилаётгани хабар қилинган.