Жорий йилнинг биринчи чорагида "KazTransOil" АЖ Қозоғистон ҳудуди орқали "Омск – Павлодар – Чимкент – Шағир нефт ортиш стенд" йўналиши бўйича Ўзбекистонга 75 минг тонна Россия нефтини ташиди, дея хабар бермоқда "KazTransOil" АЖ Матбуот хизмати.
Унга кўра, жорий йил апрель ойида "KazTransOil" АЖ Россия нефтини Қозоғистон ҳудуди орқали Ўзбекистонга 50 минг тонна миқдорида транзит қилишни режалаштирмоқда.
"KazTransOil" АЖ 2024 йилда умумий ҳажми 550 минг тоннагача Россия нефтини магистрал нефт қувурлари тизими орқали Ўзбекистонга транзитини таъминлаш режалаштирилган.
2023 йилда "KazTransOil" АЖ Ўзбекистонга 154,3 минг тонна Россия нефтини транзит қилди.
Шунингдек, "KazTransOil" АЖ Россия нефтини Қозоғистон ҳудуди орқали Ўзбекистонга Қозоғистон Энергетика вазирлиги томонидан тасдиқланган нефт етказиб бериш жадвалига мувофиқ ташийди.